Üsi Bandgschicht fahd irgendwenn mal Afangs September 07 a. Ich und Messerli gsehnd üs zum erschtä Mal... Heschi schribt dä politisch üsserst unkorrekti Porno-Song! Und mir verdienet 90 rappe bim Strassemusig mache!!!
Fu det a probet mer mindestens einisch pro Wuche!
Leider immer nu ohni Schlagzüger und Bandrümli!
Es paar Wuche spöter chund Messerli und seid er heig en Schlagzüger gfunde und glichzitig au es bandrümli! Den gönd mer uf goldau (det isch bandrümli) und träffäd zum erschtä Mal d...

Üsi Bandgschicht fahd irgendwenn mal Afangs September 07 a. Ich und Messerli gsehnd üs zum erschtä Mal... Heschi schribt dä politisch üsserst unkorrekti Porno-Song! Und mir verdienet 90 rappe bim Strassemusig mache!!!
Fu det a probet mer mindestens einisch pro Wuche!
Leider immer nu ohni Schlagzüger und Bandrümli!
Es paar Wuche spöter chund Messerli und seid er heig en Schlagzüger gfunde und glichzitig au es bandrümli! Den gönd mer uf goldau (det isch bandrümli) und träffäd zum erschtä Mal dä Luca... üse nü Schlagzüger! S'bandrümli isch bi ihm dihei!
Den fönd mer flissig afe Probe ( 2x pro Wuche: Mittwuch und Fritig) und nach drü turbuläntä Mönet hend mer am 21. Dezember 07 den au üse erschtä richtigä Uftritt!
Nach dem wirds erschtmal wider chle ruhig um üsi band...
Es wird flissig probet und mir schribed 3 nüi lieder und gönd den mit No Name Way, Fortimale, Punkrock for a better world und Happy every day am 17. Mai 08 as Band X im Muotathal! Mir bechömed üsi allererschtä Bandshirts fu dä Römel und gönd topmotiviert gu spilä. D'Jury bewertig hed üs den wider chle uf dä Bodä zruggholt, und mier hend gmerkt, das mer nu vil chönd besser mache.
Es wiiters Halbjahr gahd verbii mit höchene und tiefene... Irgendwie sind mer nid so rächt fum fläck cho, wel mer efach nid uf enes ziel anegschaffet hend. Doch irgendwenn im November isch den di geistlich erlösig cho und dä Herr Susak, Pfarrer fu Goldau hed üs agfragt für en uftritt i dä Pfarrchillä Goldau. Nach emene Bierli sind mer den schnell begeisteret gsi fu derä idee. Und mir hend afe Chilläliedli und nüüi eigni Stuck probe und hend den i dä Pfarrchillä Goldau üse dritt uftritt gha! Am 4. Januar 09!
Sid den isch üsi Band im Ufwind! Mir sind gross gu poschtä und sind mit 2 nüe Krachmacher (Gitarreverstärcher) zrug is bandrümli cho. Die aschaffig isch dringend nötig gsi, wel mier hend grosses vor i dä nächschtä ziit!
I dä früehligsferiä und au vorher scho währded viil nüi geili lieder gschribä, für mini maturaarbet (Ich=Chrischi, angehendä Maturaner) und i dä erschtä Juni wuche wird den üses heiss ersehntä Album ufgno. Am 5. Juni gemmer den Vollgas am Band X und hoffed uf zahlriichs begeisterets Publikum und ja...
Am 26. oder 27. Juni isch den üse bis dahin wohl gröscht uftritt im Kollegi Schwyz! Mit huufä eignigä und coveretä Songs heized mer am Talkessel mal richtig ii!

Scho wider sind es paar mönet vergange, mir hend jez Afangs August 09 und üses erschtä Album gids z'chaufe direkt bi dä Band! Mir sind usserdem im BandX Final am 19 September in Gersau und am 8 August hemmer en Uftritt im Easy Pub z'Brunnä als Vorband fu dä glorriichä Jet Lag Boys!!!!
Und wenner irgendwie nu unentschlosse sind, öber sölled gu lose, den chönd er gärn mal an en Bandprob gu inelose. Efach mal a mier oder irgendwem fu dä Band schriibä... Und bi paar geilä Songs und emene Bierli hemmer immer nu all chönne überzüügä...