16 December 2022 20:00 Late Lounge Live RTR, Masanserstrasse 2, 7000 Chur

LLL Band e special guests

Ils dis vegnan pli e pli fraids ed uschia è il temp d’Advent e Nadal arrivà. Extra per quai temp avain preparà per vus in’emissiun speziala che ha lieu live en la lounge cun ina band da chasa e giasts spezials.

En l’ultima emissiun da la «Late Lounge Live» dal 2022 vulain passentar cun vus ina saira d’Advent e Nadal. Cun ina band messa ensemen a posta per quella chaschun, cun giasts spezials ed ensemen cun il public en la lounge. Nossa band interna sa cumpona da Rolf Caflisch vid la battaria, Clau Maissen vid il saxofon, Res Coray vid il bass e Claude Diallo vid il piano.

Autur: Dominic Pohle, RTR