Biography
Garacho isch ä Band us Altedorf mit dä Stilrichtig Mundartcore. Falls jetzt dänksch „nöd scho wider ä Band wo iri eignig Stilrichtig brucht“. Erstens Schnauze und zweitens händ drü Lüt früäner Metalcore und zwei Lüt Pop/Rock gmacht, und jetzt singeds au na uf schwizerdütsch. Das isch eifach verdammt schwer zum irodne. Losed uf jedäfall mal ine und bildet eu euri eignig Meinig. Und dänn gseht mer sich am Konzert. :-D
Gründet wordä isch Garacho im Juni 2012. Am 21.12.2012 isch di erschti EP mit em Name „Dä finali Närvechützel“ veröffentlicht worde. Falls also irgendeine vo eu die EP chan lose isch d’Wält leider nöd undergange. Halb so schlimm mir schribed neui Songs und ihr mached das wo ihr halt so mached.