Added on 11 September 2019

Year of creation

2019

Label

Goldwand Records

Tag

greta thunberg, mundart, klima, klimastreik

Credits and thanks

Die brave Meitli göhnd go demonstriere
Will‘s die Erwachsne nonig wänd kapiere
Die einti chunnt vo Schwede mit em Zug uf Davos,
Die andre sind natürli mit em – Flugzüg cho
Für übers Klima z‘diskutiere,
Für übers Klima z‘diskutiere…

Wemmer im Winter chan im T-Shirt go spaziere
Und wenn d‘Parteie sich jetzt neu positioniere...
Wenn vorhär/nächär-Gletscherbilder i dr Zytig sind,
Und uf de Zebrastreife grossi, fetti Auto stöhnd,
Denn tüemmer s‘Klima kommentiere,
Mer tüend so s‘Klima kommentiere...

Mer tüend jo gärn die hüttig Jugend kritisiere:
Si seigi vill z‘bequem, für sich no z‘engagiere,
Si seige passiv, s‘fall ne‘n alles in Schoss -
Jetzt göhnd die brave Meitli plötzlich uf d‘Stross
Und tüend fürs Klima demonstriere!
Si tüend fürs Klima demonstriere!

Wemmer im Winter chan im T-Shirt go spaziere
Und wenn d‘Parteie sich jetzt neu positioniere...
Wenn vorhär/nächär-Gletscherbilder i dr Zytig sind,
Und wenn im Stadtverchehr die grosse, fette Auto stöhnd,
Tüend si fürs Klima demonstriere,
Si tüend fürs Klima demonstriere!
Si tüend fürs Klima demonstriere,
Und mer sött nen allwä gratuliere!

147 plays